@001
1.prathamazcittotpAda:
saMskRtabhASAyAmmadhyamakAvatArabhASyaM nAma |
AryamaJjuzrIkumArabhUtAya nma: |
madhyamakazAstre’vatArAya madhyamakAvatAracikIrSayA sarvasamyaksambuddhaibIdhisattvaizcApi Adau
bhagavatIM mahAkarUNAM 
buddhatvahetusampatpradhAnAmazeSAparimitAzaraNabhavacArakabaddhasattvaparitrANalakSaNAM stutiyogyatayA
darzayitumuktam |
munIndrajA: zrAvakamadhyabuddhA: buddhodbhavA:khalvapi bodhisattvAt |
kAruNyacittAdvayabuddhibodhicittAni heturjinaputrakANAm ||1.1||
ityAdi zlokadvayam | tatra anuttaradharmaizvaryasaMpadarjanAt, zrAvakapratyekabuddhabodhisattvebhyo’pi
paramaizvaryasaMpatte:, zrAvakAdInAM tadAjJAvazavartitvAcca buddhA bhagavanto munIndra iti kathyante |
tebhya: zrAvakAdInAM janma tu tebhya utpatti: | katham ? buddhAnAM samutpAde pratItyasamutpAdasya
aviparyastadezanAyAM pravezArtha zruticintAbhAvanAnusAramapi
yathAdhimuktivacchrAvakatvAdiparirpUtti: | yadyapi kasyacitpratItyasamutpAdopadezazravaNamAtreNa
paramArthAdhigamavaiduSye satyapi dRSTajanmanyeva nirvANaprAptirna bhavati, tathApi upadezasAdhako
vipAkaniyataphalavatparajanmani abhISTaphalaparipAkaM niyataM prApnoti | yathA Aryadevena uktam-
iha yadyapi tattvajJo nirvANaM nAdhigacchati | prApnotyayatnato’vazyaM punarjanmani karmavat ||
iti || ataeva madhyamake’pi uktam- sambuddhAnAmanutpAde zrAvakANAM puna: kSaye | jJAnaM
pratyekabuddhAnAmasaMsargAtpravartate || iti || 
tarhi samyagavavAdaphalaprAptikAraNAcchrAvakA iti | “kRtaM me karaNIyaM tasmAnme nAparaM janma”
ityAdi bhavati | punaraparaM, satphalamanuttaramyaksaMbuddhamArga vA sarvatathAgatebhya: zrutvA
tadarthina: zrAvaNatvAcchrAvakA: | yathA- saddharmapuNDarIkasUtra uktam-
adyo vayaM zrAvakabhUtanAtha saMzrAvayiSyAmatha cAgrabodhim |
bodhIyazabdaM ca parkAzayAmasteno vayaM zrAvakabhISmakalpA: || iti || 
sarve bodhisattvA api tathA, kintu tathA santo’pi zrAvayanti eva, anurUpaM raJcamAtramapi na
pratipadyante, teSAM zrAvakabhUtatvAdbodhisattveSu doSo na prasajyate | ayaM buddhazabdo buddhasvabhAva:
zrAvakapratyekabuddhAnuttarasamyaksaMbuddhAn trInapi samAkhyAti, ato buddhazabdena pratyekabuddhA
AkhyAtA: | te puNyajJAnayoru uttaravRddhivizeSatvAt, zrAvakebhyo viziSTha taratvAt,
puNyajJAnasambhAramahAkaruNAsarvAkAratAdyabhAvAtsarvasamyaksambuddhebhyo hInatvAtmadhyA: |
tasmAdeva te upadezaM vinA jJAnotpAdAdAtmamAtrArtha buddhatvAtpratyekabuddhA iti |
yathoktasvabhAvatvAtte zrAvakA: pratyekabuddhAzca tathAgatadharmadezanAta: samudbhUtatvAtmunIndrajA iti |
punazca te munIndrA: kuto jAtA iti ?- buddhodbhavA: khalvapi bodhisattvAdityuktam | nanu
bodhisattvA api tathAgatopadezata utpatrabhUtatvAtjinaputrA iti kiM noktA:? ato: kathaM buddhA
bhagavanto bodhisattvebhyo jAtA uktA iti ? satyamidam, tathApi hetudvayena bodhisattvA
buddhabhagavatAM hetavo bhavanti-avasthAvizeSatvAt, samAdApakAvatAratvAcca | tatra
avasthAvizeSastu tathAgatAvasthAbodhisattvAvasthayo: sahetukatvAt | samAdApakastu yathA
AryamaJjuzrIbIdhisattvabhUta eva bhagavata: zAkyamune: tatpareSAM tathAgatAnAM pUrva eva kAle
bodhicittasamAdApako manyate | ata evaM tanniSThAphalaM mukhyahetubhUtaM dRSTvA tathAgatA
bodhisattvajAtA diSThA: | ataeva hetusampado’tigarIyastvAthetupUjAkRte’pi phalapUjAyAmarthApattiM
mattvA tairbuddhairbhagavadbhi: 
@002
nizcitamaparimitaphaladAyakamahauSadhavRkSamaMkurAdisamudratamaJjuparNAvasthAbhUtavatyatnata:
paripAlanIyatvena darzayitvA tatsamaye AsannIbhUtatriyAnAvasaktasattvaskandhAnAM mahAyAna eva
niyojanArtha bodhisattvAnAM prazaMsA kRtA | yathA AryaratnakUTasUtre-
“tadyathApi nAma kAzyapA navacandro namaskriyate sA ceva pUrNacandro na tathA namaskriyate,
evameva kAzyapa! ye mama zraddhanti te balavantataraM bodhisattvaM namaskartavya, na tathAgata:,
tatkasya heto:, bodhisattvanirjAtA hi tathAgatA: | tathAgatanirjAtA: zrAvakapratyekabuddhA: |”
ata eva evaM yuktyAgamAbhyAM tathAgatA bodhisattvebhyo jAtA iti siddham | athavA te
bodhisattvA: kiM hetukA: ? uktam | kAruNyacittA dvayabuddhibodhicittAni heturjinaputrakANAm |
tatra karuNA tu anukampA, atraiva vakSyamANaprakArasvabhAvA | advayabuddhistu
bhAvAbhAvAdyantadvayApetA prajJA | bodhicittaM tu AryadharmasaMgItisUtre-
“bodhisattvo bodhicittena sarvadharmAnavabudhyet | sarve dharmA dharmadhAtusamA: |
sarveSAmAgantukabhUtApratiSThitadharmANAM jJeyamAtratvAdjJAtRzUnyatvAtparijJeyamAtrAva-sAyitvena
etAdRzIyaM dharmatA prANibhiravaboddhavyeti bodhisattveSu yo’yaM cittotpAda: sa
bodhisattvabodhicittotpAda ityucyate | sarvaprANibhyo hitasukhacittam | anuttaraM cittaM, maitryA
komalaM cittaM, karuNatayAviparyayasaMcittaM, AnandatayAnanutapta cittam | upekSAtayA vimalaM cittaM,
zUnyatayAvipariNAmaM cittam, animittatayA nirAvaraNaM cittaM, apraNidhAnatayApratiSThitaM
cittamiti yathoktavat” | bodhisattvAnAM mukhyahetustu karuNA advayaprajJA bodhicittamitIme trayo
dharmA: santi | yathoktaM ratnAvalyAm- zailendrarAjavanmUlaM bodhicittaM dRDhaM tata: | digantavyApi
kAruNyaM jJAnaM cAdvayanizritam || iti ||
bodhicittasya advayajJAnasya ca dvayorapi mUlaM karuNayA bhUtatvAtkaruNA mukhyatvena deSTumiSyate |
bIjaM kRpA yajjinazasyarAzestadvRddhaye vArisamA, cirAya |
bhogAya pAkazca yathaiva mAdau mamAta: karuNAprazaMsA ||1.2 ||
yathA bAhyadhAnyAdisampattaye Adau madhye’nte ca bIjajalapAkAnAM mukhyatayA eva
bhUtatvAdupayogitAbhAva:, tathA karuNAyA eva trikAle’pi jinazasyasampade upayogitAmevaM
dezitA vartate | evaM dayAlustu paradu:khadu:khita eva azeSadu:khIbhUtasattvAnAM paritrANAya
“avazyamahaM samastamamuM lokaM du:khata: samuddhRtya buddhatva eva saMniyokSyeti” nizcitaM
cittotpAdaM karoti | asyA api pratijJAyA advayajJAnaprahANe sAdhayitumazakyatvAd,
advayajJAne’pi Avazyaka eva avatAra:, ata: sarvabuddhadharmANAM bIjaM karuNA eva asti | yathA 
ratnAvalyAmuktam- karuNApUrvakA: sarve niSyandA jJAnanirmalA: | uktA yatra mahAyAne
kastannindetsacetana: ||
bodhicittotpAde’pi yadi uttarakAle karuNAjalena puna: puna: na siJcita:
asaJcitavipulaphalasaMbhAro’yamavazyaM zrAvakapratyekabuddhayo: parinirvANe parinirvRtto bhaviSyati |
anantaphalAvasthAyAM prAptAyAmapi yadi parakAle karuNA paripAkarahitA syAdasyA:
dIrghakAlopabhogo na bhaviSyati, AryaphalamahAsambhAraphalakramparamparAsvabhAvo’pi nirantaraM
dIrgha nAbhivardheta | samprati AlambanavizeSapravezadvAreNapi karuNAyA: svabhAvavizeSamabhivyajya
tasyai eva praNAmacikIrSayA-
AtmAbhisaktau tvahameti pUrva rAgodbhave bhAva idaM mameti |
arhaTTacaryAvadadhInaloke kAruNyavAn yo’sti namo’stu tasmai ||1.3||
ityuktam |
@003
asya lokasya tu mamAbhinivezAtpUrvameva ahaMgrahaNAd’ asantamAtmAnam’ astIti
parikalpya atraiva satyAbhiniveza:, ‘idaM tu mama’ iti | AtmagrahaviSayato bhinne’zeSavidhe
vastuni abhinivezo bhavati | AtmAtmIyAbhiniviSThamidaM jagatkarmaklezabandhananibaddhaM
cakracAlakavijJAnotkSepAdhInapravezaM saMsAramahAkUpabhavAgrato gambhIranirbAdhAvIciparyantacalanaM,
svayameva heSThAgAmi, prayatnata: kathaJcana AkRSyamANam, 
ajJAnAdiklezakarmajanyasaMklezatraye’pi paurvAparyamadhyakrameNa anizcitaM, pratidinaM
du:khadu:khatAvipariNAmadu:khatApravAhAdarhaTTaghasyAvasthAto nAtivartate, yato bodhisattvo
du:khena du:khitamatikaruNAlambanena trAtumiccati, ata: sarvaprathamaM khalu bhagavatI mahAkaruNA
praNamyate | iyaM bodhisattvakaruNA tu sattvAlambaneti |
dharmAlambanAM nirAlambanAM ca karuNAmapi avalambanadvArA parkAzayitumuktam-
jagaccale candramivAmbumadhye calaM svabhAvena vinA vilokya |
kAruNyavAn yo’sti namo’stu tasmai, iti tatra yojitavyam |
mandavAyulaghutaraMgitasvacchajalAbhyantaravyAptacandrapratibimbaM pUrvAvalambitAzrayaviSayeNa saha
nazyati, tayorbhAvapratyakSe avalambatvena udaye sati, uttamaistu etadvayaM svabhAvatAprakAzanasadRzaM
sthitaM dRzyate- evaM pratikSaNamanityatAsvabhAvazUnyatA ca | tathA bodhisattvai:
karuNAparatantrIbhUtairapi satkAyadRSThayavidyAsAgare sAgarazreSThadharmAmRtarasodbhavahetave
sakalaviparItakalpanAlakSaNe sampUrNe jagati ayonizovikalpamArutaprerite
nIlavistRtAvidyAjale sthitAn prANina: svakarmapratibimbavatpura:sthitAn
pratikSaNamanityadu:khapatItAn svabhAvazUnyAn dRSTvA tayoranityatAdu:khavinAzasadRzabhUtAn
saddharmazreSThAmRtarasodbhavahetave sakalaviparItakalpanAnivRttilakSaNaM sampUrNa jagatbandhutvasvabhAvabhUtaM
buddhatvaM samyakprApayitumiSyate |
teSAM yA karuNA sattvAlambanA, dharmAlambanA anAlambanA ca tAM praNamya bodhisattvAnAM
bodhicittasya dazavidhabhedAvivakSayA sa: prathamabodhicittamadhikRtya evaM vadati-  
yadasya cite khalu bodhisattva, jagadvimuktyai karuNAvazaMge ||1.4||
samantabhadrapraNidhAnanAmni, pramoditA sA prathametyavasthata: |
bodhisattvAnAmanAsravajJAnasya karuNAdibhi: parigrahAvibhAgobhUmiriti nAma prApnoti,
guNAzrayabhUtatvAttasyA ca uttarottaraM
guNasaMkhyAbalAtizayaprAptidAnAdipAramitApAThaparipAkavRddhivizeSeNa pramuditAdibhUmiprakArabhedena
dazavidhabhedA vyavasthApitA:, atra svabhAvavizeSabhedo na bhavati | yathA- yathAntarIkSe zakune:
padaM budhairvaktuM na zakyaM na ca darzanopagam |
tathaiva sarvA jinaputrabhUmayo vaktuM na zakyA: kuta eva zrotum || ityuktam |
tatra bodhisattvabhUmi: pramuditA bodhisattvAnAM prathamazcittotpAda:, antimazca dharmamegho
dazamazcittotpAda: | tatra bodhisattvasya yathoktavidhinA- jagatni:svabhAvadarzakaM karuNAvizeSeNa
upagRhItaM yaccitaM karuNAparatantraM satbodhisattvasamantabhadrapraNidhAnena pariNAmitaM pramuditamiti
nAmakam, advayajJAnaM tasya sahetukaM phalopalakSaNaM tatra prathama iti kathyate |
dazamahApraNidhAnAdIni dazAsaMkhyazatasAhasrapraNidhAnAni, tatra bodhisattva: prathamaM cittotpAdaM
karoti, tAni bodhisattvasamantabhadrapraNidhAnamadhye samAhitAni,
azeSapraNidhAnopasaMgrahatvAtsamantabhadrapraNidhAnaM vizeSeNa sandRbdham | tatra yathAzrAvakayAne
@004
pravezaphalamArgasthitibhedena aSTha zrAvaka bhUmivyavasthA tathA mahAyAne’pi bodhisattvAnAM
dazabodhisattvabhUmaya: | punazca yathA zrAvakasya nirvedhabhAgIyAvasthotpAda:
prathamaphalapravezAvasthA na manyate tathA bhAvinAM bodhisattvAnAmapi | ratnameghasUtre
mahAdhimuktamahAcaryAdharmatAyA anantaraM prApteyaM prathamabhUmisthitistu bodhisattvasya
bodhicittAnutpAdabhUmirityuktavat | adhimukticaryAyAstatkSaNAsthitirapi-‘kulaputra! tadyathA-
yathA cakravartI rAjA mAnuSavarNAtIto na tu devavarNaprApta:, tathaiva bodhisattvo’pi
laukikazrAvakapratyekabuddhAnAM sarvabhUmyatIta:, na tu bodhisattvaparamArthabhUmiprApta: | iti tatraiva
vyAkhyAtam | punazca yadA iha pramuditAkhyaprathamabhUmau praveza:- tata: samArabhya tu tatra prApta: sa
bodhisattveti padAbhidheya: ||1.5||
taccittaprAptastu sarvathA pRthagjanabhUmyatikrAntAvasthAyAM bodhisattvapade- naivAbhidhIyate,
nAnyathA, tatsamaye tasya AryabhUtatvAt | yathA- bhagavatyAM paMcaviMzazatikAyAM- “bodhisattva
ityanubuddhasattvasyaitadadhivacanam, yena sarvadharmA buddhA jJAtA: | kathaM jJAtA: ? abhUtA asaMbhUtA
avitathA:, naite tathA yathA bAlapRthagjanai: kalpitA: | naite tathA yathA bAlapRthagjanairlabdhA: |
tenocyate bodhisattvA iti | tatkasya heto: ? akalpitA avikalpitA hi bodhi:, aviThapitA
hi bodhi:, anupalambhA hi bodhi: | na hisuvikrAntavikrAmiMstathAgatena bodhirlabdhA |
alambhAtsarvadharmANAmanupalambhAtsarvadharmANAM bodhirityucyate | evaM buddhabodhirityucyate, na
punaryathocyate | yena suvikrAntavikrAmin bodhAya cittamutpAdayanti idaM cittaM
bodhAyotpAdayiSyAma iti bodhiM manyante, astyasau bodhiryasyAM vayaM cittamutpAdayiSyAma
iti, na te bodhisattvA ityucyante, utpannasattvAsta ucyante | tatkasmAddheto:? tathA hi
utpAdAbhiniviSTAzcittAbhiniviSTA bodhimabhinivizante |” ityAdi uktam | punazca-
“alakSaNA hi bodhirlakSaNasvabhAvavinivRttA | ya evamanubodha:, iyamucyate bodhiriti, na
punaryathocyate | eSAM hi suvikrAntavikrAmin dharmANAmanubodhatvAdbodhisattva ityucyate | yo
hi kazcitsuvikrAntavikrAminimAn dharmAnaprajAnannavabudhyamAno bodhisattva ityAtmAnaM
pratijAnIte, dUre tasya bodhisattvasya bodhisattvabhUmi:, dUre bodhisattvadharmA:, visaMvAdayati
sadevamAnuSAsura lokaM bodhisattvanAmnA | sacetpuna: suvikrAntavikrAmin vAGnAtreNa
bodhisattvo bhavet, tena sarvasattvA api bodhisattvA bhaveyu: | naitatsuvikrAntavikrAmin vAGnAtraM
yaduta bodhisattvabhUmiriti |” ityAdi uktam | yathoktaM bodhicittaM prAptastu tasyAmavasthAyAM
bodhisattvazabdadvArA eva kevalaM na ukto’pitu-
gotre’pi bhAvo’sya tathAgatAnAM tyaktaM trisaMyojanamasya sarvam |
prAmoditAM prApya sa bodhisattva: kSobdhuM samartha: zatalokadhAtum ||1.6||
pRthagjanazrAvakapratyekabuddhasarvabhUmyatItatvAtsamantaprabhetitathAgatabhUmyanugAmimAgItpannatvAcca
sa bodhisattva: tathAgatagotrotpanna: | tadA pudgalanairAtmyaM pratyakSa dRSTvA iyaM
satkAyadRSTisaMzayazIlavrataparamArthateti saMyojanatrayebhyo’pi sannivartate, teSAM punaranutpAdAya |
tattvAdraSTurAtmani AropAtsatkAyadRSTirbhavati, tathA saMzayatastasyAparamArge’pi gamanaM saMbhAvyate,
na cAnyasya | nizcayapraveze tasya sahetukaguNaprApti:, bhUmerasapakSadoSanivRttezca 
asAmAnyavizeSamuditotpAdAdatipramuditAvazAtsa bodhisattvo’gramuditAmapi dhArayati |
pramodavizeSabhUtatvAdiyaM bhUmistu pramuditeti nAmApi prAptA | zatalokadhAtuM kSobdhumapi samartha:|
prayAti bhUme: khalu bhUmimUrdhva tadAsya mAgI kugaterniruddha: | 
pRthagjanasyAvanisaMkSayo’sti yathASTamArya: kathitastathaiSa: ||1.7||
iti ||
ayaM yathAvabuddhadharmAbhyAsAddvItIyabhUmyAdyatikramAtyutsAhAdbhUmerbhUmiM samAkramya UrdhvaM prayAti|
@005`
saMkSepeNa yathA srotaApannArya: svAnurUpAryadharmAdhigamAddoSarahito guNAnvitazca bhavati tathA
asmin bodhisattve’pi bhUmyadhigamAtsvasminanurUpaguNodbhavAddoSakSayAcca
strotaApatterudAharaNadvArA paridIpitam | ayaM bodhisattvastu sambodhicittodaya Adike’pi
pratyekabuddhAn samunIndravAgjAn |
jittvaidhate puNyabalena cApi |
yadasti tadaparo vizeSa:, yathA- AryamaitrIvimokSa uktam “tadyathA kulaputra acirajAto rAjaputro
mUrdhaprAptAn sarvavRddhAmAtyAnabhibhavati kulAbhijAtyAdhipatyena, evameva
acirotpAditabodhicittastathAgatadharmarAjakulapratyAjAta Adikarmiko
bodhisattvazciracaritabrahmacaryAn vRddhazrAvakAnabhibhavati bodhicittamahAkaruNAdhipatyena |”
“tadyathA kulaputra, yo’cirajAtasya mahAgaruDendrapotasya pakSavAtabalaparAkramo
nayanaparizuddhiguNazca, sa sarvazarIrapravRddhAnAM tadanyeSAM pakSiNAM na saMvidyate, evameva ya:
prathamacittotpAdikasya tathAgatamahAgaruDendrasya kulagotrasaMbhavasya
bodhisattvamahAgaruDendrapotasya sarvajJatAcittotpAdabalaparAkramo
mahAkaruNAdhyAzayanayanaparizuddhiguNazca, sa kalpazatasahasraniryAtAnAM sarvazrAvakapratyekabuddhAnAM
na saMvidyate |” ityAdyuktavat |
dUraGgamAyAM tu dhiyAdhika: syAt ||1.8||
AryadazabhUmi(sUtre)’pi- “tadyathApi nAma bhavanto jinaputrA:, rAjakulaprasUto rAjaputro
rAjalakSaNasamanvAgato jAtamAtra eva sarvAmAtyagaNamabhibhavati rAjAdhipatyena, na puna:
svabuddhivicAreNa | yadA puna: sa saMvRddho bhavati tathA svabuddhibalAdhAnata:
sarvAmAtyakriyAsamatikrAnto bhavati, evameva bho jinaputrA:, bodhisattva: sahacittotpAdena
sarvazrAvakapratyekabuddhAnabhibhavatyadhyAzayamAhAtmyena, na puna: svabuddhivicAreNa | asyAM tu
saptamyAM bodhisattvabhUmau sthito bodhisattva:
svaviSayajJAnavizeSamAhAtmyAvasthitatvAtsarvazrAvakapratyekabuddhakriyAmatikrAnto bhavati” ||
iti yathoktavat | ata evaM sati dUraMgamata eva Arabhya bodhisattva: sva buddhibalotpAdane’pi
zrAvakapratyekabuddhAMzcAbhibhavati, na cAdhobhUmiSviti jJeyam |
asmAdAgamAtsarvazrAvakapratyekabuddheSvapi sarvadharmani:svabhAvatAjJAnamapi astIti nirbhAseta |
asati ca tathA ni:svabhAvabhAvaparijJAnarahitatvAtvAtlaukikavItarAgavattAnapi 
prathamacittotpAdabodhisattvA api svabuddhivicAreNApi abhibhavanti | tIrthikavateteSAM tridhAtuSu
caryAyA sarvaklezaprahANamapi na bhavati | rUpAdInAM
svalakSaNAvalambanaviparyAtpudgalanairAtmyabodho’pi na bhavati,
AtmaprajJaptihetuskandhAvalambanAt | yathA ratnAvalyAmuktam-
“skandhagrAho yAvadasti tAvadevAhamityapi |
ahaGkAre sati puna: karma janma tata: puna: ||
trivatmaitadanAdyantamadhyaM saMsAramaNDalam |
alAtamaNDalaprakhyaM bhramatyanyonyahetukam ||
svaparobhayatastasya traikAlye cApyanAptita: |
ahaGkAra: kSayaM yAti tata: karma ca janma ca ||
“iti ||
api ca-
@006 
alAtacakraM gRhNAti yathA cakSurviparyAt |
tathenadriyANi gRhNanti viSayAn sAmpratAniva ||
inadriyANInadriyArthAzca paJcabhUtamayA matA: |
pratisvaM bhUtavaiyarthyAdeSAM vyarthatvamarthata: ||
nirindhano’gnirbhUtAnAM vinirbhAge prasajyate |
samparke lakSaNAbhAva: zeSeSvapyeSa nirNaya: ||
dvidhApi bhUtAnAM vyarthatvAtsaGgatirvRthA |
rthatvAtsaGgatezcaivaM rUpaM vyarthamato’rthata: ||
vijJAnavedanAsaMjJAsaMskArANAM ca sarvaza: |
pratyekamAtmavaiyarthyAdvaiyarthya paramArthata: ||
sukhAbhimAno du:khasya pratIkAre yathArthata: |
tathA du:khAbhimAno’pi sukhasya pratighAtaja: ||
sukhe sayogatRSNaivaM nai:svAbhAvyAtprahIyate |
du:khe viyogatRSNA ca pazyatAM muktirityata: ||
ka: pazyatIti ceccitaM vyavahAreNa kathyate | 
nahi caittaM vinA cittaM vyarthatvAtra saheSyate ||
vyarthamevaM jaganmatvA yathAbhUtyAtrirAspada: |
nirvAti nirupAdAno nirupAdAnavahnivat || “iti ||
bodhiMsattvaireva tathA ni:svabhAvatayA dRSTamiti cet, na cApi tat, zrAvakAn
pratyekabuddhAMzcAdhikRtya tathoktatvAt | kathamidaM jJAyata iti ? vakSyate- samanantarameva
bodhisattvAnadhikRtya- “bodhisattvo’pi dRSTvaivaM sambodhau niyato mata: | kevalaM tvasya
kAruNyAdAbodherbhavasantati: ||” 
ityAdi uktatvAt | zrAvakadezanAsUtreSvapi zrAvakAnAM klezAvaraNaprahANArtham- “phenapiNDopamaM
rUpaM vedanA budbudopamA | marIcisadRzI saMjJA saMskArA: kadalInibhA: | mAyopamaM ca
vijJAnamuktamAdityabandhunA ||”
ityAdinA phenapiNDajalabudbudamarIcijalakadalIskandhamAyAdyudAharaNena saMskArA nirNItA
AcAryapAdai:- “anutpAdo mahAyAne pareSAM zUnyatA kSaya: | kSayAnutpAdayozcaikyamarthata: 
kSamyatAM yata: ||” iti || 
tathA ca-
kAtyAyanAvavAde cAstIti nAstIti cobhayam |
pratiSiddhaM bhagavatA bhAvAbhAvavibhAvinA ||
zrAvakayAne’pi dharmanairAtmyaM dezitamiti tadA mahAyAnadezanA vyarthA syAditi tanmatamapi
evaM yuktyAgamAbhyAM viruddhaM budhyate | mahAyAnadezanA dharmanairAtmyamAtrasya dezanA nAsti
apitu bodhisattvAnAM
bhUmipAramitApraNidhAnamahAkaruNAdipariNAmanAsambhAradvayAcintyadharmatAzca santi | yathA
ratnAvalyAmuktam-
na bodhisattvapraNidhirna caryA pariNAmanA |
uktA zrAvakayAne’smAdvodhisattva: kutastata: ||
iti ||
bodhicaryApratiSThArthaM na sUtre bhASitaM vaca: |
@007
bhASitaM ca mahAyAne grAhyamasmAdvicakSaNai: ||
dharmanairAtmyaprakAzAya mahAyAnadezanApi yuktA eva, vistRtadezanAyA vivakSitatvAt |
zrAvakayAne tu dharmanairAtmyaM saMkSiptalakSaNamAtreNa samApyate | yathA AcAryapAdairuktam-
animittamanAgamya mokSo nAsti tvamuktavAn | atastvayA mahAyAne tatsAkalyena darzitam ||
AnuSaMgikatvena paryAptam | ata eva anAkulabuddhe:
svayamevArthatattvAvabodhasamarthatvAtprakRtamevAbhidhIyate |
tadAtra sambuddhasubodhiheturbhavetpradhAnaM hyatireki dAnam |
tasya pramuditAbhUmiprAptabodhisattvasya
dAnazIlakSAntivIryasamAdhiprajJopAyapraNidhAnabalajJAneSviti dazasu dAnapAramitaiva atiricyate,
kintu na tadbhinnAnAmabhAva: |
taddAnamapi sarvAkArajJatAyA: pradhAno hetu: |
svamAMsadAne’pi kRtAdaratvAdbhavedadRSThe’pyanumAnahetu: ||1.9||
tasya bodhisattvasya adRSTA guNA bodhAdayo ye ke’pi santi te’pi
bAhyAbhyantarasvavastudAnavizeSAnumAnenaiva sphuTamanumIyante, dhUmAdinA vahnayAdivat | yathA
bodhisattvAnAM dAnaM buddhatvasya pradhAnaheturapratyakSaguNanirNayalakSaNo’sti tathA
pRthagjanazrAvakapratyekabuddhAnAmapi du:khapratikArasya AtyantikasukhaprAptezca heturiti
dezitukAmena-
sukhAbhilASI hi janastu sarva: sukhaM na sampattimapAsya loke |
dhanaM tu dAnodgatameva buddhvA muni: pradhAnaM samuvAca dAnam ||1.10||
uktam | kSuttRDogazItAdipratipakSo du:khapratikAramAtraM, bhavasukhotpAdahetupratibandhakaviparyamAtreNa
svatvapravAhaparikalpitopaghAtApanayo’sukhAtmake loke’tIva abhiniviSTa: tathA tasya
sukhAbhilASiNa: sukhaM du:khapratikAramAtrasvabhAvam, abhISTaviSayasampatti: du:khapratipakSabhU:,
viparyayAtmano bhogaM vinA notpAdAvalambanam | du:khapratikArahetubhUtAste viSayA api
dAnodbhUtapuNyakriyAvastvasaMcayeSu notpadyanta iti vicArya bhagavAn jagadazeSAzayasvabhAvajJa:
zIlAdisamAkhyAneSu sarvaprathamaM dAnameva Aha | adhunA dAniprANina: zIlavairUpye’pi
svakAryAnukUlatvAddAnamAhAtmyamAkhyAtumAha-
parIttakAruNyasuduSTacittA vikurvate svArthaparA amI ye |
tadiSTasampadvyasanaprazAntyai samudratA dAnata eva sApi ||1.11||
ye vaNigvatsvalpadhanatyAgena ativipulaphalasampatskandhArthecchavo’pi adhikatarArthArthino
ditsAdarA:, sugataputravatkaruNAparatantrA dAnaphalArthamanAyAsameva
AditsotsavAbhivardhanAste’pi dAnadoSagrahaNaparAGmukhA: kevalaguNagrahaNotsAhaprAptA
atizayaizvayIpasampadA: kAyApriyadu:khakSuttRSNAdinAzanena du:khopazAntiheturbhavanti | yasya
niSkaruNasya svadu:khapratikArApekSayA eva ditsAyAmAdara:, so’pi-
kadAcidasminnapi dAnakAle drutaM hi labdhvAryajanAbhisaGgam |
tata: samucchidya bhavapravAhaM sahetukAM zAntimata: prayAti ||1.12||
@008
ityuktam | dAnapatestyAgina: samIpe sadbhirgantavyamiti dAnAdhimuktikA dAnakAle
AryajanAbhisaMgAttadupadezata: saMsAranirguNatAM jJAtvA nirmalamAryamArga sAkSAtkurvanti,
du:khopazAntyA tyaktAvidyA bhavasantateranAdikAlata: pravRtAM janmamaraNaparamparAM tyaktvA
zrAvakapratyekabuddhayAnai: parinirvRtA bhaviSyanti | ata: sAmprataM bodhisattvAnAM dAnaM
bhavanirvANasukhaprAptihetu: |
jagaddhitArtha hi kRtapratijJA: prayAnti modaM na cireNa dAnai: ||
abodhisattvAstu dAnasamakAlaM yathoktadAnaphalaM niyataM na saMbhuJjanti, tasmAddAnaphalasya 
apratyakSatvAddAne pravezo’pi na saMbhava:, bodhisattvAstu dAnasamakAlameva arthinAmapi 
paritarpaNAda, abhISThadAnaphalasaMpatparamAnandaM dhArayanta:, tatraiva dAnaphalamupabhuJjanti | ata:
sarvadA dAne muditA bhaviSyanti | ato yathoktarItyA-
dayAdayA bhAvamayA yatazca |
sarvAbhyudayani: zreyasaheturdAnam, tato’sti mUlaM khalu dAnavArtA ||1.13||
yataste sarvadA dAnaM prati AdareNa sampadvibhAjanadvArA ca manastarpayanti |
bodhisattveSu AnandavizeSotpAda: kIdRza iti arthinAM cet- ucyate-
yathA tu dehIti nizamya zabdaM sukhodbhavo buddhasute vicintya |
tathA sukhaM zAntigate munau na kimucyatAM sarvasamarpaNeni || 1.14||
yAvadarthinAM dehIti zabdazrutAveva vicAryamANe bodhisattvAnAm’ime mAM yAcanta iti buddhavA
vAramvAraM ya: sukhotpAdo nirvANasukhAdapi atiricyate, tato bAhyAbhyantaravastusamarpaNena
arthinajanatarpaNasya kimucyatAm? puna: kiM tattathoktabAhyAbhyantaravastutyAginAM bodhisattvAnAM 
kAyadu:khamapi na bhaviSyatIti? ucyate- mahAtmanAM tu
acetanAnAmapacchedavatkAyadu:khotpAdo’sambhava eva |
AryagaganagaJjaparipRcchAsamAdhau yathoktam-
“tadyathA mahAsAlavRkSavanamasti | tatra kazcidAgatya ekaM saralaM chinatti | tatrAvaziSThAste
sAlavRkSA ayaM tu chinno, vayaM na chinnA iti na cintayanti | teSu nAnurAgo na vA kopa:,
na kalpo na vikalpa:, tadvatbodhisattvasya yA kSAnti: sA parizuddhAgragaganopametyuktivat |
ratnAvalyAmapi evamuktam-
zArIraM nAsti vai du:khaM tatra du:khaM kva mAnasam | loko hi du:khitastena karuNyAtsthIyate
ciram || punayI’labdhavirAgAvasthastatra kAyasthitibAdhakaviSaye samavatIrNe kAyadu:khaM
nizcitamutpadyate, tadA so’pi sattvArthakRtyeSu ativiziSTAvatArahetutvena pratiSThata iti
AkhyAtam |
pradAya chettuM svavapu: svadu:khAtsvasaMvidA nArakadu:khakAdi |
vilokya tannAzayituM pareSAM parizramaM prArabhate sa zIghram ||1.15||
bodhisattvastu du:khamayanarakatiryagyoniyamalokAdighoralokAntargataM nirantaraghoradu:khena
kAyacchedaM, svakAyacchedadu:khAtsahastrazo’pyadhikaM pravRddhamasahyaM du:khaM svadu:khena tulayitvA
pazyati tadA svakAyacchedadu:khamavigaNayya sattvAnAM narakAdidu:khacchedAya atizIghraM 
@009
vIryamArabhate | yathoktadAnapAramitAprabhedadezanArthamuktam-
pradeyasaGgrAhakadAtRzUnyaM vadanti lokottarapAramIti | tatra pAramIti tu yatsaMsArasAgarapAraM taTaM,
klezajJeyAvaraNani:zeSatyAgasvabhAvayukto buddha eva vA | pAraMgatastu pAramita ityuktam |
aluguttarapade ityanena lakSaNena karmavibhaktilopaM na kRtvA rUpaNam, athavA
pRSodarAditvAduttarapadayuktatayA vyavasthApitam | prajJAM gRhItvA vizeSeNa vyAkhyAtam,
dAnAdaya: pAramitAtulyatvAtpAramitA: santi | pariNAmanAvizeSeNa pAragamanaM vyavasthApya
dAnaM pAramitAnAma prApnot | vakSyamANA: zIlAdayo’pi tathA vijJeyA: | iyaM
dAnapAramitApi deyaM pratigrAhakaM dAyakaM ca anAlambya lokottarapAramitA astIti
bhagavatIprajJApAramitAyAmuktam | anAlambanasya lokottaratvAdAlambanaM ca
vyavahArasatyasaMgrahatvAllaukikameva asti | tattu aprAptabodhisattvAvasthAbhirjJAtuM na zakyate |
api ca-
trayISu rAgodbhavata: pradiSTaM tadeva vai laukikapAramIti ||1.16||
tadeva dAnaM triSvavalambitaM satlaukikapAramitetyuktam | samprati yathokta- bhUmiriti
jJAnavizeSeNa atizayaguNAnuvAdadvArA dezAnArthamevamuktam-
tathA pratiSThA jinaputracitte sadAzraye suprabhakAntimAptA |
ghanaM tamisraM muditA nirasya jayatyasau candramaNiryathA vai ||1.17||
tathA zabdo yathoktaprakAradezanArtha: | muditeti bhUminAma samAkhyAyate | jayatIti tu asapakSaM
parAjitya avasthAnamityartha: | sA tu jJAnasvabhAvA satI eva jinaputramanasi
sthitatvAduparisthitA | pramuditAbhUmistu yathoktarItyA sarvamapi gahanamandhakAraMnirAkRtya
jayati | yathokta eva artha udAharaNena parkAzayitumAkhyAtam | candrakAntamaNivaditi |
madhyamakAvatArabhASye pramuditeti prathamazcittotpAda: |
bodhisattvaprathamacittotpAdo vyAkhyAta: |
2. dvitIyazcittotpAda:
adhunA dvitIyaM (cittotpAdam) adhikRtyocyate-
sa zIlasampattiguNAnvitattvAtsvapne’pi du:zIlamalaM jahAti | iti |
bhUmisaMjJakasarvajJAnavizeSasya tu ekasvabhAvatvAttadasatve’nutpannaguNabhya:
zIlapAramitAdiviziSTatAbhya eva dvitIyacittotpAdAdivizeSA: darzitA: | tatra
klezAnadhivAsitvAt, pApAnudbhUtatvAt, cittakaukRtyagnizamanena, zItalatvAt, sukhahetutvena
uttamairAzrayaNIyatvAtzIlamiti | tadapi saptatyAgalakSaNam | trayo dharmA alobho’dveSa:
samyagdRSTizca te samutthAnam | ata: samutthAnena saha zIlamadhikRtya dazakarmamArgA
vyAkhyAtA: zIlasaMpattu zIlAtizaya: | guNavizuddhistu guNazuddhi:, zIlasaMpatparizuddhiriti zabda:
prayojya: | svaguNaparizuddhatvAtzIlatvaM viziSTim | tadanvitatvAtsa bodhisattva:
svapnAvasthAyAmapi du:zIlamalairalipta: | atha kathaM tasya tAdRkzIlasampadA guNaparizuddhi: ?
etAdRzo’yaM bodhisattvo dvitIyabodhisattvabhUmau prasthitastu-
sa kAyavAkcittavizuddhacayI dazaiva satkarmapathAMzcinoti ||2.1||
@010
yathA dvitiyabodhisattvabhUmau- “tatrabhavanto jinaputrA, vimalAyAM bodhisattvabhUmau sthito
bodhisattva: prakRtyaiva prANAtipAtAtprativirIto bhavati nihatadaNDo nihatazastro nihatavairo
lajjAvAn dayApanna: sarvaprANibhUteSu hitasukhAnukampI maitracitta: | sa saMkalpairapi
prANivihiMsAM na karoti, ka: punarvAda: parasattveSu sattvasaMjJina:
saMcintyaudArikakAyaviheThanayA ||
adattAdAnAtprativirata: khalu punarbhavati svabhogasaMtuSTa:, parabhogAnabhilASI, anukampaka: | sa
paraparigRhItebhyo vastubhya: paraparigRhItasaMjJI steyacittamupasthApya antazastRNaparNamapi
nAdattamAdAtA bhavati, ka: punarvAdo’nyebhyo jIvitopakaraNebhya: ||
kAmamithyAcArAtprativirata: khalu punarbhavati svadArasaMtuSTha: paradArAnabhilASI | sa
paraparigRhItAsu strISu parabhAryAsu gotradhvajadharmarakSitAsu abhidhyAmapi notpAdayati, ka:
punarvAdo dvIndriyasamApatyA vA anaGgavijJaptyA vA ||
anRtavacanAtprativirata: khalu punarbhavati satyavAdI, bhUtavAdI, kAlavAdI, yathAvAdI tathAkArI |
so’ntaza: svapnAntaragato’pi vinidhAya dRSTiM kSAntiM ruciM matiM prekSAM visaMvAdanAbhiprAyo
nAnRtAM vAcaM nizcArayati, ka: punarvAda: samanvAhRtya ||
pizunavacanAtprativirata: khalu punarbhavati abhedAviheThApratipanna: sattvAnAm | san eta: zrutvA
amutrAkhyAtA bhavatyamISAM bhedAya | na amuta: zrutvA ihAkhyAtA bhavatyeSAM bhedAya | na
saMhitAn bhinatti, na bhinnAnAmanupradAnaM karoti | na vyagrArAmo bhavati na vyagrarato na
vyagrakaraNIM vAcaM bhASate sadbhUtAmasadbhUtAM vA ||
paruSavacanAtprativirata: khalu punarbhavati | sa yeyaM vAgadezA karkazA parakaTukA parAbhisaMjananI 
anvakSAnvakSaprAgbhArA grAmyA pArthagjanakI anelA akarNasukhA krodharoSanizcAritA
hRdayaparidahanI mana:saMtApakarI apriyA amanaApA amanojJA svasaMtAnaparasaMtAnavinAzinI,
tathArUpAM vAcaM prahAya yeyaM vAksnigdhA mRdvI manojJA madhurA priyakaraNI manaApakaraNI
hitakaraNI nelA karNasukhA hRdayaMgamA premaNIyA paurI varNavispaSThA vijJeyA zravaNIyA nizritA
bahujaneSTA bahujanakAntA bahujanapriyA bahujanamanaApA vijJApannA sarvasattvahitasukhAvahA
samAhitA mana: prahlAdanakarI svasaMtAnaparasaMtAnaprasAdanakarI tathArUpAM vAcaM nizcArayati ||
saMbhinnapralApAtprativirata: khalu punarbhavati suparihAryavacana: kAlavAdI bhUtavAdI arthavAdI
dharmavAdI nyAyavAdI vinayavAdI, sa nidAnavatIM vAcaM bhASate kAlena sAvadAnAm | sa cAntaza
itihAsapUrvakamapi vacanaM parihArya pariharati, ka: punarvAdo vAgvikSepeNa ||
anabhidhyAlu: khalu punarbhavati parasveSu parakAmeSu parabhogeSu paravittopakaraNeSu paraparigRhIteSu
spRhAmapi notpAdayati, kimitiyatpareSAM tannAma syAditi nAbhidhyAmutpAdayati, na
prArthayate, na praNidadhAti, na lobhacittamutpAdayati ||
avyApannacitta: khalu punarbhavati sarvasattveSu maitracitto hitacitto dayAcitta: sukhacitta:
snigdhacitta: sarvajagadanugrahacitta: sarvabhUtahitAnukampAcitta: | say AnImAni
krodhopanAhakhilAmalavyApAdaparidAhasaMdhukSitapratighAdyAni tAni prahAya yAnImAni
hitopasaMhitAni maitryupasaMhitAni sarvasattvahitasukhAya vitarkitavicAritAni,
tAnyanuvitarkayitA bhavati ||
samyagdRSTi: khalu punarbhavati samyakpathagata: kautukamaGgalenAnAprakArakuzIladRSThivigata
@011
RjudRSTirazaTho’mAyAvI buddhadharmasaMghaniyatAzaya: | “ityAdyuktavat | 
tatra prathamatrayakuzalakarmapathA: kAyena pratipAdyante | madhyamacaturo vAcA antyatrayazcittena | 
evaM dazakuzalakarmamArgA api saMgRhItA: | kimeteSAM karmamArgANAM cayanaM 
prathamacittotpAdabodhisattvA na kurvanti ? te’pi cayanaM kurvanti, tathApi- 
dazApi mArgAn kuzalAn sametya bhavanti te zuddhatarAstathaiva | 
prathamacittotpAdabodhisattvA na tathA | 
sadA vizuddha: khalu zAradenduryathA hi zAntaprabhayAtizete ||2.2|| 
zAntastu saMvRtendriya: | 
prabhAmayo dedIpyamAnazarIra:, tathA parizuddhazIla: sannapi | 
sa zuddhazIlaprakRtiMvidazcedbhavenna tenaiva vizuddhazIla: | 
yathAryaratnakUTasUtre- “kAzyapa, e[ka]tyo bhikSu: (zIlavanta:) prAtimokSasaMvarasaMvRto viharati | 
AcAragocarasampanna aNumAtreSvavadyeSu (api) bhayadarzI samA[dA]ya zikSate zikSApadeSu 
parizuddhakAyakarmavAGmanaskarmaNA samanvAgato viharati, parizuddhAjIva: sa ca bha[vati]
AtmavAdI, ayaM kAzyapa prathamo du:zIla: zIlavaMta: pratirUpako draSTavya: | "ityata: “punaraparaM 
kAzyapa ! ihe katyo bhikSu: dvAdazAdhUtaguNasa[mAdAne’pi] upalambhadRSThikazca bhavati, 
ahaMkAra (mamakAra) sthita: ayaM kAzyapa caturthI du:zIla: zIlavantapratirUpakodra[SThavya:]” iti 
paryantamuktam | 
ata: sadA sastritaye’pi buddhidvayapracArAtsutarAM nivRtta: ||2.3|| 
kasmai prANine tyAga:, kiM tyaktaM, kena tyaktaM, tattritaye’pi bhAvAbhAvAdibuddhidvayanirvRto 
bhavati | evaM saMprati bodhisattvasya zIlasaMpanmayatvamuktam | tata: pazcAtsAmAnyatayA 
tadbhinnAnAmapi zIlasampatterdAnAdito’pi atizayatvaM sarveguNasampadAzrayabhUtatvameva 
dezanArthayitumuktam- 
dAnAjjana: zIlapadena hIno bhogAnavApyaiSyati durgatiJca | iti | 
taddAnata eva sa dAnapati: zIlavAn bhUto naradevamadhye viziSTabhogasampanmaya: san 
zIlapAdanirvRttau durgatilokapatita: pratyekanarakaM, azvagajavAnaranAgAdipretamarhaddhikAdiSu 
utpanna: sa vividhabhogasampatsampanna eva bhavati | ata: 
savyAjamUle parikSIyamANe tasmai na bhogA: prabhavanti pazcAt ||2.4|| 
yo’tyalpabIjamuptvA vipulaphalaM prApnuvan puna: phalAya tasmAdapyadhikaM bIjaM vapati, tena 
mahAphalasambhArasya yathAsamaye upavardhanakramo’vicchinnaM sambhavati, kRtapraNAzasvabhAvazcayo 
mUrkhatayA pUrvabIjamAtramapi upabhuGkte tasya savyAjavastusaMgrahasyApi kSayatvAtkuto 
bhAviphalasapadutpAda: ? tathaiva zIlanivRtte: asthAne sampadupabhogakturapi atimUrkhatayA 
apUrvAkSeparahitatvAtpUrvAkSepAzeSopabhogatvAcca pazcAtsampadbhAvo’sabhava: | zIlapAdavihInasya 
asya pUrNasampadbhAvo na kevalaM durlabha:, durgatigamanena durgatita utthAnamapi atidurlabhamiti 
dezanAya-
yadA svatantra: sthitisAmarUpyamayaM svacintAM yadi no karoti | 
darIprapAte paratantratAptau ka enamuttthApayitA hi pazcAt ||2.5|| 
@012
ityuktama | yadyasau tadA anukUlajanapadasthito bandhamuktazUravatsvacchanda:, parAdhInatAmapraviSTa: 
san devamanuSyAdilokasthita: svacintAM na karoti, sAdhiSThadarIsamutsRSTabaddhazUravaddurgatiMgatamenaM 
pazcAtka utthApayiSyati | ata eva pIDanAya nizcitameva durgatirbhaviSyati | tata eva 
punarmanuSyeSu upapAde’pi dvividha: paripAko’bhisiddha ityuktam | yatastAdRzo 
du:zIlo’tyadhikadoSasambhArAdhiSThAnam-
tato jino dAnakathAmudIrya kathAM tu zIlAnugatAmuvAca | 
tasmAdeva parAjitasakalapApadhamI jino dAnAdiguNAvipraNAzAya dAnakathAsamayAnantaraM 
zIlakathAmeva kRtavAn | 
guNe vivRddhe khalu zIlabhUmau phalopabhogastu nirantaraM syAt ||2.6|| 
sarvaguNAzrayabhUtatvAtzIlameva bhUmi: | tatra dAnAdisarvaguNavivRddhizcethetuphalaparamparA uttarottaraM 
karmazo’navacchinnarUpeNa phalasambhAramupavardhayantI dIrghakAlamupabhoktu zakyate, anyathA tu na | 
ato’nena prakAreNa- 
pRthagjanazrAvakanaijabodhisvabhAvaniSThasya jinAtmajasya | 
na heturastyabhyudayAya zIlAdRte ca ni:zreyasahetave’nya: ||2.7|| 
yathA-“ime khalu punardazAkuzalA: karmapathA adhimAtratvAdAsevitA [bhAvitA] bahulIkRtA 
nirayaheturmadhyatvAttiryagyoniheturmRdutvAdyamalokahetu: | tatra prANAtipAto nirayamupanayati, 
tiryagyonimupanayati, yamalokamupanayati | atha cetpunarmanuSyeSu upapadyate, dvau 
vipAkAvabhinirvartayati alpAyuSkatAM ca bahuglAnyatA ca | adattAdAnaM 
…peyAlaM...’parIttabhogatAM’ ca’sAdhAraNabhogatAM’ ca | kAmamithyAcAro… 
anAjAneyaparivAratAM ca sasapatnadAratAM ca | mRSAvAdo…abhyAkhyAnabahulatAM ca 
parairvisaMvAdanatAM ca | paizunyaM...bhinnaparivAratAM ca hInaparivAratAM ca | 
pAruSyaM...amanApazravaNatAM ca kalahavacanaM ca | tAM saMbhinnapralApo…anAdeyavacanatAM ca 
anizcitapratibhAnatAM ca | abhidhyA.. asaMtuSThitAM ca mahecchatAM ca | 
vyApAdo… ahitaiSitAM ca parotpIDanatAM ca | mithyAdRSTi: [nirayamupanayati, 
tiryagyonimupanayati, yamalokamupanayati | atha cetpunarmanuSyeSu upapadyate, dvau 
vipAkAvabhinirvartayati] kudRSTipatitazca bhavati zaThazca mAyAvI | evaM khalu mahato’parimANasya 
du:khaskandhasya ime dazAkuzalA: karmapathA: samudAgamAya saMvartante |” “puna: kuzalAnAM 
karmapathAnAM samAdAnaheto[rdava] manuSyAdyupapattimAdiM kRtvA yAvadbhavAgramityupapattaya: prajJAyante 
| tata uttaraM ta eva daza kuzalA: karmapathA: prajJAkAreNa paribhAvyamAnA: prAdezikacittatayA 
traidhAtukottrastamAnasatayA mahAkaruNAvikalatayA parata: zravaNAnugamena ghoSAnugamena ca 
zrAvakayAnaM saMvartayanti | tata uttarataraM parizodhitA aparapraNeyatayA [svayaMbhUtvAnukUlatayA] 
svayamabhisaMbodhanatayA 
[parato’parimArgaNatayA] mahAkaruNopAyavikalatayA gambhIredaM- pratyayAnubodhanena 
pratyekabuddhayAnaM saMvartayati | tata uttarataraM parizodhitA vipulApramANatayA mahAkaruNopetatayA 
upAyakauzalasaMgRhItatayA saMbaddhamahApraNidhAnatayA sarvasattvAparityAgatayA 
buddhajJAnavipulAdhyAlambanatayA bodhisattvabhUmiparizuddhayai pAramitAparizuddhayai caryAvipulatvAya 
saMvartante |” ityAdi vistareNoktavatato’nenaprakAreNa taddazakuzalamArgAtiriktaM 
pRthagjanazrAvakapratyekabuddhabodhisattvAnAM yathAyogamabhyudayasya saMsArasukhasya, ni:zreyasa: 
sukhadu:khAbhAvasvabhAvasya muktilakSaNasya prApterupAyo’nyo nAstIti samupadiSTam | yo’sau 
dvitIyacittotpAdabodhisattva:- 
@013
yathA samudro hi zavena sArdhamamaGgalenApi ca maGgalaM vA |
tathA hi zIlAdhikRto mahAtmA samaM na tiSThAsati duSTazIlai: ||2.8||
amaMgalamiti akuzalaparyAya: | yathoktazIlapAramitAvibhedAkhyAnam-
kutazca kiM kutra vivarjitaJca trike gRhIte sati yaddhi zIlam |
vadanti tallaukikapAramIti |
tacchIlaM triSvavalambitaM satlaukikapAramiteti AkhyAyate |
alaukikaM tattriSu rAgazUnyam ||2.9||
tadevazIlaM yathoktAlambanatrayarahitaM syAccedalaukikapApAramitetyucyate |
yathoktabhUmiguNAnuvAdena zIlapAramitAvasthApariniSpattimAha-
jinAtmajendUdgatanirmalApi bhavAbhavaiSA vimalA bhavazrI: |
zaradRtozcAndramasIprabheva jaganmanastApamapAkaroti ||2.10||
vimaleti dazakuzalakarmamArgavimalatvAddvitIyabodhisattvabhUmeranvarthaM nAma | yathA nirmalA
zaraccandraprabhA janasaMtApamapAkaroti tathA jinaputrendUdgateyaM vimalApi du:zIlotpannaM
mana:saMtApaM nivartayati | asyA asaMsArAntargatatvAdga bhavo’pitu bhavazrI:, sarvaguNasampadAM
tadanugatatvAt, caturdvIpaizvaryasampadhetutvAcca |
iti madhyamakAvatArabhASye dvitIyazcittotpAda: |
3. tRtIyazcittotpAda:
samprati tRtIyacittotpAdamadhikRtyottacyate-
azeSajJeyendhanadAhakAgniprabhodbhavAdbhUmiriyaM tRtIyA |
prabhAkarI...prabhAkarIti tu tRtIyabodhisattvabhUminAma | punariyaM kasmAtprabhAkarIti
cedanvarthameva | tatsamaye azeSajJeyendhanadAhakajJAnAgne: zAntyAtmakaprabhodbhavAdbhUmiriyaM
prabhAkarItyucyate | tRtIyacittotpAdasya
…taM sugatasya putraM tadA ravistAmra ivAvibhAti ||3.1||
yathA sUryaUdayAvasthAyA: pUrvaM tAmra iva abhAsatetathA bodhisattve’pi tatra jJAnamAbhAsate |
tAdRgjJAnAbhAsaprAptasya tasya bodhisattvasya kSAntipAramitAvizeSatAdezanArthamuktam-
akopapAtrasya hi tasya kAyAtsahAsthimAMsaM yadi ko’pi kRntAt |
palaM palaM dIrghanikRntane’pi nikRntake kSAntiratIva tasya ||3.2||
bodhisattva: paracittAnurakSaNArthatvAttAdRgjJAnavatvAcca yena paradveSacittAdhAratvatrikAlanirarthakatvaM
saMdehAspadatvaJca na syu: tAdRksvabhAvakAyavAkcittAvatArasAkSI nAsti | akopapAtrasya
yadi ko’pi vizeSaNam | yadi tAdRkprANinA tasya bodhisattvasya kAyato sAsthimAMsaM
pratipalaM viramya viramya ciraM nikRntite’pi tAdRkkRntakAya na kevalaM cittavyAroSo na
@014
bhavati apitu, tadakuzalakarmapratyayaM narakadu:khAdivizeSamavalambya bodhisattve’tiviziSTA
kSAntireva jAyate | api ca-
yata: sa dharmAn pratibimbarUpAnnirAtmadRkpazyati bodhisattva: |
tata: kathaM kena kimasti chinnaM kadApi vA kSAntimupeti cAso ||3.3||
tadakuzalakarmapratyayaM narakAdidu:khavizeSamavalambya na kevalaM vizeSeNa kSAnto’pitu yata: sa
sarvadharmAnapi pratibimbavatpazyanAtmAtmIyasaMjJAnivRtta: tasmAdapi kSAntatara eva | api
zabdastu kSAntihetusaMgrahArtham | kSAntiriyaM na kevalaM bodhisattvAnurUpo dharmo’pitu
taditarasakalaguNarakSAhetubhUtatvAdakSAntavatkrodhavyAvRttirapi yuktA vyAkhyAtA-
prakupyate yadyapakAriNe’tra kimatra kopo vinivartita: syAt |
ato’tra kopo hi nirarthako’smin paratra loke’pi viruddha eva ||3.4||
samprati dattaroSAvasaro’yaM parasmai apakAriNe krudhyati cettadAnIntanApakArAvinivRtte:,
tadAlambana: pratikopo nirarthaka eva, kRtakAryatvAt | asmai kopo na kevalaM vartamAne
niSprayojana:, apitu paraloko’pi viruddho bhavati, krodhotpAde sati amanApaparipAkAkSepa: |
yo duzcaritakarmaphalavizeSopabhogavAnmohAtpareNAhaM prapIDita iti parikalpayanapakAriNe
krodhamutpAdayan pratyapakAreNa tatpIDanaM parAjetukAmazcAsau | tasyApi vyAvartanArthamAha-
purAkRtasyAkuzalasya karmaphalaM tu yo naSTatayA vivakSu: |
parAhitakrodhata eva du:khaM kathaM hi tadbIjatayopanItam ||3.5||
yatzastradhArapAtena tatkAye sAdhiSThamapakAradu:khaM zatruNopasAdhitam, tadantyaphalabhUtaM
pUrvakRtaprANAtipAtakarmaNa: prANinAM narakatiryagyoniyamalokAdi paripAkaphalaM ghoramanubhUyamAnaM
niSyandaphalaM yaccAvaziSTaklezAzeSApriyaphalanivartanahetu: | tatkathaM puna: rvipariNAmyaiva,
auSadhasya antimamAtrAyA Abhyantare-
vyAdhipratIkArahetutvAdvyAroSaparApakArAbhyAmatItAmanApaphalAdapi
ativiziSTApakAraphalasambhAvanAhetutvena AnIyate? atastadvaidyasya
vyAdhicikitsAhetubhUtatIkSNazalyakarmakriyAvatphaladu:khotpAdahetoratikSAntiryuktA |
akSAntistu na kevalamamanApaparipAkAtikSepaheturapitu
dIrghasaMgRhItapuNyasambhArakSayaheturapyastIti dezanArthamuktam-
dAnena zIlena samudgataM yatpuNyaM citaM kalpazatena nazyet |
kSaNena kopAjjinaputrakeSu tasmAnna kopAdaparaM hi pApam ||3.6||
yadi bodhisattvo mahAtmA sa: pudgale viziSTe’viziSTe vApi 
klezAbhyAsavazapravezatvAdbodhicittotpAnneSu satyabhUtamasatyabhUtazca doSamadhikaM prajJApya
kSaNamAtramapi krodhacittotpAde’pi tanmAtreNaiva
pUrvoktadAnazIlapAramitAbhyAsotpannazatakalpasaMcitapuNyasaMbhAro nazyati, abodhisattvena
bodhisattvebhya utpAdite tu puna: kiM vaktavyam ? tasmAtmahAsAgarajalapramANaM karSagaNanayA
nizcetumazakyaM tathA tatra paripAkasImA nizcetumazakya: | ata evaM sati amanApaphalAkSepaM
puNyakSayakaraJca pApamakSAnte: paramaparaM nAsti | “maJjuzrI:, krodha: krodha iti
zatakalpasaMbhRtapuNyopakSayakara:, tasmAtkrodha: krodha ityAkhyAta: |” punazca akSAntA:
parApakArAsamarthAstu AtmAnameva nAzayanti, samarthA niSkaruNAzca svaparanAzakA: | anena tu
janmata eva-
@015
kudarzano’sajjananIyamAno nayAnayajJAnavivekahIna: | parasmin kAle nikAyasabhAgaM 
tyaktvA sakopano durgatimeti zIghram | 
yadyete’kSAntidoSA:, tadA ke vai tadviparItakSAntiguNA iti- 
guNA viruddhA: kathitA hyakopAt ||3.7|| 
sudarzatA sajjanatAgatizca nayAnayajJAnapaTutvamasti | 
anantaraM devamanuSyajanma kSayaM hyakopAdupayAti pApam ||3.8|| 
ye’kSAntidoSA uktAstadviruddhAste guNA: kSAnterjJeyA: | tadyathA- 
pRthagjano jinaputrazca doSAn guNAn samAlokya ca kopakSAntyo: | 
apAsya kopaM tarasaiva kSAntiM sadA zrayeccAryajanaprazastAm ||3.9|| 
kopakSAntI tu kopakSAntyaiva | doSaguNau cApi doSaguNau | krodhakSAntyodISaguNAviti 
zabdaviniyoga: | krodhadoSastu yathokta:, viparyayeNa kSAntiguNamavagamya akSAntiM tyaktvA 
sarvakAlaM kSAntireva AzrayaNIyA | adhunA kSAntipAramitAprabhedadezanArtham- 
sambuddhabaudhyai pariNAmanApi triSvAzritA cetkhalu laukikIyam | 
buddhatvAya pariNAmanAyAmapi kA kSAnti:, kena kSanti:, keSu prANiSu kSAntiretattriSvAzrayeSu 
satsu iyaM kSAntipAramitA laukikIti | 
anAzritA syAtkhalu saiva buddhairalaukikI pAramiteti diSTA ||3.10||
tasyAM bhUmau bodhisattvasya kSAntipAramitA yathA vizuddhayati tathaiva- 
abhijJatAM dhyAnamito’tra bhUmau jinasya putro hatarAgavaira: | 
bhavatyasau laukikakAmarAgau nihantumatyantatayA ca zakta: ||3.11|| 
dhyAnamiti dhyAnazabdastu upalakSaNArtha:, samApattyapramANAnAmapi grahaNaM bhavati | 
yathAtRtIyabodhisattvabhUmAvuktavat- “so’syAM prabhAkaryA bodhisattvabhUmau sthito bodhisattvo 
dharmAnudharmapratipattiheto viviktaM kAmairviviktaM pApakairakuzaladharmai: savitarka savicAraM vivekajaM 
prItisukhaM prathamaM dhyAnamupasaMpadya viharati | sa vitarkavicArANAM 
vyupazamAdadhyAtmasaMprasAdAccetasa ekotIbhAvAdavitarkamavicAraM samAdhijaM prItisukhaM 
dvitIyadhyAnamupasaMpadya viharati | sa prItervirAgAdupekSako viharati smRtimAn saprajAnan | 
sukhaM na kAyena pratisaMvedayati yattadAryA AcakSante-upekSaka: smRtimAn | sukhavihArI 
niSprItikaM tRtIyaM dhyAnamusaMpadya viharati | sa sukhasya ca prahANAddu:khasya ca prahANAtpUrvameva 
ca saumanasyadaurmanasyayorastaMgamAdadu:khAsukhamupekSAsmRtiparizuddhaM caturtha dhyAnamupasaMpadye 
viharati | “iti, etAni catvAri dhyAnAni | catastra ArUpyasamApattayastu- tadyathA-“sa 
sarvazo rUpasaMjJAnAM 
samatikramAtpratighasaMjJAnAmastaMgamAnnAnAtvasaMjJAnAmamanasikArAdanantakamAkAzamityAkAzA 
nantyAyatanamupasaMpadya viharati | sa sarvaza AkAzAnantyAyatanasamatikramAdanantaM 
vijJAnamiti vijJAnAnantyAyatanamupasaMpadya viharati | sa sarvazo 
vijJAnAnantyAyatanasamatikramAnnAsti kiMcidityAkiMcanyAyatanamupasaMpadya viharati | sa 
sarvaza AkiMcanyAyatanasamatikramAnnaiva saMjJA nAsaMjJApi iti saMjJAnAsaMjJAyatanamupasaMpadya 
viharati |” imAzcatastra ArUpyasamApattaya: | catvAro’pramANAstu evam- “sa maitrisahagatena 
cittena vipulena mahadatenAdvayenApramANenAvaireNAsapatnenAnAvaraNenAvyAbAdhena sarvatrAnugatena 
@016
dharmadhAtuparame 
loke AkAzadhAtuparyavasAne sarvAvantaM lokaM spharitvopasaMpadya viharati | evaM karuNAsahagatena 
cittena | muditAsahagatena cittena | upekSAsahagetana cittena viharati |” 
paJcAbhijJAstu, tadyathA- “so’nekavidhAmRddhividhiM pratyanubhavati | pRthivImapi kampayati | 
eko’pi bhUtvA bahudhA bhavati | bahudhApi bhUtvaiko bhavati | AvirbhAvaM tirobhAvamapi 
pratyanubhavati | tira: kuDayaM tira:prAkAraM parvatamapyasajjan gacchati tadyathApi nAma AkAze | 
AkAze’pi paryaGkena krAmati tadyathApi nAma pakSizakuni: | pRthivyAmapyunmajjananimajjanaM 
karoti tadyathApi nAma udake | udake’pyamajjan gacchati tadyathApi pRthivyAm | dhUmayati 
prajvalati, tadyathApi nAma mahAnagniskandha: | svakAyAdapi mahAvAridhArA utsRjati 
tadyathApi nAma mahAmegha: | yAbhirvAridhArAbhirayaM trisAhastramahAsAhasro lokadhAturAdIpta: pradIpta: 
saMprajvalito’gninA ekajvAlIbhUto nirvApyate | imAvapi candrasUryAvevaMmarhaddhiko 
evaMmahAnubhAvo pANinA parAmRzati parirmASThi yAvadbrahmalokamapi kAyena vazaM vartayati |” 
ityete RddhayabhijJA: | 
“sa divyena zrotradhAtunA [vizuddhenA] tikrAntamAnuSyakena ubhayAn zabdAn zRNoti 
divyAnmAnuSyakAn, sUkSmAnaudArikAMzca | ye dUre’ntike vA antazo 
daMzamakazakakITamakSikANAmapi zabdAn zRNoti | [eSA divyA zrotrAbhijJA] ||” 
“sa parasattvAnAM parapudgalAnAM cetasaiva cittaM yathAbhUtaM prajAnAti | sarAgaM cittaM sarAgacittamiti 
yathAbhUtaM prajAnAti | virAgaM cittaM virAgacittamiti prajAnAti | sadoSaM, vigatadoSaM, samohaM, 
vigatamohaM, saklezaM, ni:klezaM, parittaM, vipulaM, mahadataM, apramANaM, saMkSiptaM, [vistIrNa], 
samAhitaM, asamAhitaM, vimuktaM, avimuktaM, sAGganam, anaGganam, audArikaM 
cittamaudArikacittamiti yathAbhUtaM prajAnAti | anaudArikaM cittamanaudArikaM cittamiti yathAbhUtaM 
prajAnAti | iti parasattvAnAM parapudgalAnAM cetasaiva cittaM yathAbhUtaM prajAnAti | [ityeSA 
paracittajJAnAbhijJA] ||” 
“so’nekavidhaM pUrvanivAsamanusmarati | ekAmapi jAtimanusmarati | dve tistraJcatastra: paJca 
daza viMzati: triMzataM catvArizataM paJcAzataM jAtizata[sahastra]manusmarati | anekAnyapi 
jAtizatAni | [anekAnyapi jAtisahastrANi] anekAnyapi jAtizatasahastrANi | 
saMvartakalpamapi vivartakalpamapi | anekAnapi saMvartavivartakalpAnapyanusmarati | kalpazatamapi 
kalpasahastramapi kalpazatasahastramapi kalpakoTImapi kalpakoTIzatamapi kalpakoTIsahastramapi 
kalpakoTIzatasahasramapi yAvadanekAnyapi 
kalpakoTIniyutazatasahasrANyanusmaratyamunnAhamAsamevaMnAmA | evaMgotra: evaMjAti: evamAhAra 
evamAyu: pramANa: evaMcirasthitika: evaM sukhadu:khapratisaMvedI | so’haM tatazcyuto’tropapanna: | 
tatazcyuta ihopapanna: | iti sAkAraM soddezaM sanimittamanekavidhaM pUrvanivAsamanusmarita | [eSA 
pUrvanivAsAnusmRtyabhijJA] ||” 
“sa divyena cakSuSA vizuddhenAtikrAntamAnuSyakeNa sattvAn pazyati cyavamAnAnupapadyamAnAn 
suvarNAn durvarNAn sugatAn durgatAn praNItAn hInAn | yathAkamIpagAn sattvAn yathAbhUtaM 
prajAnAti- ime bhavanta: sattvA: kAyaduzcaritena samanvAgatA vAgduzcaritena samanvAgatA 
manoduzcaritena samanvAgatA: AryANAmapavAdakA mithyAdRSThaya: 
mithyAdRSTikarmasamAdAnahetostaddhetuM tatpratyayaM kAyasya bhedAtparaM 
maraNAdapAyadurgativinipAtanirayeSUpapadyante | ime punarbhavanta: sattvA: kAyasucaritena 
samanvAgatA vAksucaritena samanvAgatA mana:sucaritena samanvAgatA AryANAmanapavAdakA: | 
samyagdRSTikarmasamAdAnahetostaddhetuM tatpratyayaM kAyasya bhedAtparaM maraNAtsugatau svarge 
devalokeSUpapadyanta iti [prajAnAti | evaM] divyena cakSuSA vizuddhenAtikrAntamanuSyeNa 
@017
(cyavamAnAnupapadyamAnAn) sAkAraM soddezaM sanimittaM sattvAn pazyati | yathAkamIpagatAn 
sattvAn yathAbhUtAn prajAnAti | sa imAni dhyAnAni vimokSAn samAdhIn samApattIzca 
samApadyate, vyuttiSThate | na ca teSAM vazenopapadyate’nyatra yatra bodhyaGgaparipUriM pazyati tatra 
saMcintya praNidhAnavazenopapadyate | tatkasya heto ? tathAhi tasya 
bodhisattvasyopAyakauzalyAbhinirhatA cittasaMtati: ||”
ata eva asyAM bhUmau bodhisattve dhyAnamabhijJAzca sambhavanti kathaM sadA 
laukikarAgadveSaparikSaya: ? capadaM tu anuktasaGgrahArtham, iti tasya mohasyApi parikSayo
bhavati–kathamiti, idamapi yathA sUtre-“sa sarvadharmANAmasaMkrAntitAM ca avinAzitAM ca 
pratItya pratyayatayA vyavalokayati || tasya bhUyasyA mAtrayA sarvANi kAmabandhanAni tanUni 
bhavanti | sarvANi rUpabandhanAni sarvANi bhavabandhanAni sarvANyavidyAbandhanAni tanUni 
bhavanti | dRSTikRtabandhanAni ca pUrvameva prahINAni bhavanti | tasya asya prabhAkaryA 
bodhisattvabhUmau sthitasya bodhisattvasya anekAn kalpAn yAvadanekAni 
kalpakoTiniyutazatasahastrANi ....peyAlaM...anupacayaM mithyArAga: prahANaM gacchati, anupacayaM
mithyAdoSa: prahANaM gacchati, anupacayaM mithyAmoha: prahANaM gacchati |” ityuktam | atastasya 
rAgo dveSo mohazca parikSINo bhavati | kathaM hi te sadA laukikakAmarAgAtupahantu samarthA 
bhaviSyantIti yathA- “iyaM bhavanto jinaputrA bodhisattvasya prabhAkarI nAma tRtIyA 
bodhisattvabhUmi: samAsanirdezata:, yasyAM pratiSThito bodhisattvo bhUyastvena indro bhavati 
devarAjastridazAdhipati: kRtI prabhu: sattvAnAM kAmarAgavinivartanopAyopasaMhArAya kuzala:
sattvAn kAmapaGkAdabhyuddhartum”, ityuktam | ata: sa jinaputro laukikakAmarAgAnupahantuM 
samartho bhaviSyati | evamasya bodhisattvasya tRtIyabodhisattvabhUmau 
vizuddhakSAntipAramitAdhyAnAparimANasamApatyabhijJA rAgAdiparikSayasya ca 
nizcitaprAptirbhaviSyatItyuktvA adhunA tu kSAntipAramitAparyantaM pAramitAtrayAzrayavizeSaM 
sambhArasvabhAvaM phalaparisiddhivyavasthAM ca prakAzayitumAkhyAyate-
ime hi dAnAdimayA: tridharmA gRhibhya uktA: sugataistu bhUya: |
ta eva puNyetyapi saMbhRtA hi sambuddharUpAtmakakAyahetu: ||3.12||
bodhisattvA eva yathoktadAnAdyAzrayA: santi, tathApi gRhasthapravrajitabhedena tatra dvayo: saMbhavaM 
vicintya tathoktam | tatra gRhastheSu prAyeNa dAnAdayastrayo dharmA: susAdhyA:, parivrAjakeSu ca 
vIrya, dhyAnaM tathA prajJA | na cetaretarAsaMbhAvanA | buddhatvahetusambhArau tu dvau sta:, sa cAsau 
puNyasaMbhAro jJAnasaMbhArazca | tatra puNyasambhArastu tAstistra: pAramitA: santi, jJAnasambhArazca 
dhyAnaM prajJA ca | vIrya tUbhayaheturiti vyavasthA | tatra ya: puNyasambhAra: sa saMbuddhAnAM bhagavatAM 
zatapuNyalakSaNasya adbhutasya acintyasya vizvarUpamayasya rUpakAyasya hetu: |
dharmasvabhAvakAyasya anutpAdalakSaNasya hetustu jJAnasambhAra: | samprati AzrayAdimAhAtmyena 
svamahatvamuktvA tRtIyabodhisattvabhUmyavasthA samAkhyAyate-
prabhAkarIyaM jinaputrasUrye tama: svakaM pUrvataraM vinAzya |
samIhate lokatamo vihantum |
sugataputrasUryasthiteyaM prabhAkarIbhUmi: svAzritAmavidyAmAtmodbhavavighnabhUtAM 
jAyamAnAvasthAyAmeva vinAzya tatprakAropadezena tadbhinnAnAM tRtIyabhUmyudbhavavighnAndhakAraM 
vihantuM samIhate | sa bodhisattva:-
na cAtra kopo bhuvi tIkSNabhUte ||3.13||
sa tu doSAndhakArANAM pratibandhakAnAM nAzanena sUryavadatitIkSNatAvatAre’pi doSayuktajanebhyo 
na krudhyati | kSAnterativiziSTAbhyAsAtkaruNayA santate: snigdhatvAcca |
@018
madhyamakAvatArabhASye tRtIyazcittotpAda: |
4. caturthazcittotpAda: 
samprati dAnazIlakSAntipAramitAbhyo vIryapAramitAyA atirekadezanAdvAreNa 
caturthacittotpAdamadhikRtya AkhyAyate-
guNA azeSA anugamya vIrya dvayostu heturmatipuNyarAzyo: |
yato bhavetprojjvalameva vIryamarciSmatI bhU: khalu sA caturthI ||4.1||
kuzalakarmAnutsAhamaye tu sarvathA dAnAdApravRtte: sarvaguNotpAdo’saMbhava: |
pUrvoktaguNasaJcayasamutsuke tu prAptAprAptayorvRddhiprAptisaMbhavAdyasya kasyacidguNasya hetustu 
vIryameva asti | sambhAradvayahetustu pUrvata AkhyAta: | tadvIryaM svaguNaparizuddhidvArA yasyAM 
bhUmAvadhijvalati sA tu caturthI bodhisatvabhUmi: arciSmatIti syAt | api ca, kasya 
hetorarciSmatIti AkhyAyate-nAmAvatArahetudezanArtham-
sambodhipakSasya vibhAvanAto jAto’vabhAsa: sugatasya putre |
tAmraprabhAyA adhikaM vibhAti 
ityuktam | evamasyAM bhUmau bodhisattve saptatriMzadbodhipAkSikadharmabhAvanena pUrvAkhyAtatAmraprabhAyA 
viziSTo’vabhAsa upapadyate | tasmAtsamyagjJAnAgniprabhopapAdena sA 
bodhisattvabhUmirarciSmatItyAkhyAyate | saptatriM zadbodhipAkSikA dharmastu evama-catvAri 
smRtyupasthAnAni, catvAri samyakprahANAni, catvAra RddhipAdA:, paJcendriyANi, paJca 
balAni, sapta bodhyaGgAni AryASTAGgamArgazcetyuktA: | tatra catvAri smRtyupasthAnAni-
“jinaputrA, bodhisattvo’syAmarciSmatyAM bodhisattvabhUmau pratiSThito’dhyAtmaM kAye kAyAnudarzI 
viharati, AtApI saMprajAnan smRtimAn vinIya loko’bhidhyAdaurmanasye | bahirdhA kAye 
(kAyAnudarzI viharati, AtApI saMprajAnan smRtimAn vinIya loke’bhidhyAdaurmanasye)
adhyAtmaM bahirdhA kAye | evamevAdhyAtmaM vedanAsu bahirdhA vedanAsu adhyAtmaM bahirdhA vedanAsu 
| evamadhyAtmaM citte bahirdhA citte’dhyAtmaM bahirdhA citte | adhyAtmaM dharmeSu dharmAnudarzI 
(viharati AtApI saMprajAnan smRtimAn) bahirdhA dharmeSu dharmAnudarzI...evamadhyAtmaM bahirdhA 
dharmeSu...|” iti vistRtanirdezavat |
catvAri samyakprahANAni yathA- “so’nutpannAnAM pApakAnAmakuzalAnAM dharmANAmanutpAdAya 
cchandaM janayati vyAyacchate vIryamArabhate cittaM pragRhNAti samyakpraNidadhAti | utpannAnAM 
pApakAnAmakuzalAnAM dharmANAM 
prahANAya [itipUrvavat] | anutpannAnAM kuzalAnAM dharmANAmutpAdAya [itipUrvavat] |
utpannAnAM kuzalAnAM dharmANAM sthitaye’saMpramoSAya vaipulyAya bhUyobhAvAya (bhAvanAya)
paripUraye [cchandaM janayati, vyAyacchate-tu pUrvavat] |”
catvAro RddhIpAdA: “chandasamAdhiprahANasaMskArasamanvAgatamRddhipAdaM bhAvayati vivekanizcitaM 
virAganizcitaM nirodhanizcitaM vyavasargapariNataM [tadvata] vIrya
[samAdhiprahANasaMskArasamanvAgatamRddhipAdaM] bhAvayati citta
[samAdhiprahANasaMskArasamanvAgatamRddhipAdaM] bhAvayati mImAMsA 
[samAdhiprahANasaMskArasamanvAgatamRddhipAdaM] bhAvayatItyAdi pUrvavat |”
@019
paJcendriyANi tadyathA-“sa zraddhenadriyaM bhAvayati [iti tadvat]
vivekanizcitaM...vIryenadriyaM ...smRtIndriyaM...samAdhIndriyaM...prajJendriyaM ...sa | “bhAvayati
virAganizcitamityAdi | paJcabalAni tu tAnyevAsapakSaparAjitAni pUrvavat |
sapta bodhyaGgAni-tadyathA-“(sa) smRti-saMbodhyaGgaM bhAvayati, [ityAdi] dharmapravicaya
[bodhyaGgaM] vIrya [saMbodhyaGgaM] prIti [saMbodhyaGgaM] prastrabdhi-[saMbodhyaGgaM] samAdhi
[saMbodhyaGgaM] upekSA [saMbodhyaGgaM bhAvayati ityAdi pUrvavat]|”
AryASTAGgamArgastu yathA-“samyakdRSTiM bhAvayati [virAganizcitaM nirodha- nizcitaM
vyavasargapariNataM] samyaksaGkalpaM [api pUrvavat] samyagvAcaM ...
samyakkarmAntaM... samyagAjIvaM...samyagvyAyAmaM...samyaksmRtiM ...samyaksamAdhim |"
[bhAvayati ityAdi pUrvavat | ] asyAM bhUmau na kevalaM bodhipAkSikabhAvanotpAdo’pitu-
saMkSIyate cAtmadRzo’nuSaGga: ||4.2||
asyAM bhUmau tasya AtmadRSTikSayo’pi bhavati-tathA-“jinaputrA, bodhisattvasya
asyAmarciSmatyAM bodhisattvabhUmau sthitasya yAnImAni satkAyadRSTipUrvaGgamAni 
AtmasattvajIvapoSa (puruSa) pudalaskandhadhAtvAyatanAbhinivezasamucchritAni urnmajjitAni 
nimajjitAni vicintitAni vitarkitAni kelAyitAni mamAyitAni dhanAyitAni
niketasthAnAni, tAni sarvANi vigatAni bhavanti sma |” ityuktam |
iti madhyamakAvatArabhASye’rciSmatI nAma caturthazcittotpAda: |
5. paJcamazcittotpAda: 
samprati paJcamacittotpAdAdhikAra:-
sa durjayAbhUmigato mahAtmA kSamo na jetuM hyapi sarvamArai: |
paJcamabodhisattvabhUmau sthito bodhisattvastu sarvalokadhAtusthitairdevaputramArairapi jetuM na kSama: 
tatpareSAM mArakiGkarAdInAM ka: punarvAda: ? ata eva asyA bhUmernAma sudurjayeti |
bodhisattvastu-
dhyAne viziSTe sumatezca satyasUkSmasvabhAvAdhigame’tidakSa: ||5.1||
jJAtavya: | tatra dazapAramitAsu dhyAnapAramitaiva ativiziSTA bhavati | sumatIti AryA: | teSAM 
satyAni sumatisatyAni AryasatyAnItyartha: | svabhAvastu svarUpam |
sUkSmajJAnAdhigatasvabhAvastu sUkSmasvabhAva:, bhadramatisatyAnAM sUkSmasvarUpasya jJAne’tidakSo
bhavati | caturAryasatyAni tu du:khasamudayanirodhamArgA: | bhagavatA satyaM tu dvayameva diSTamiti 
tadyathA-saMvRtisatyaM paramArthasatyaJca | yathA-pitAputrasamAgamasUtre-
satya ime duvi lokavidUnAM diSTa svayamazruNitva pareSAm | saMvRti yA ca tathA paramArtho satyu 
na sidhyati kiM ca tRtIyu || ityuktam | madhyamakazAstre’pi-
dve satye samupAzritya buddhAnAM dharmadezanA | lokasaMvRtisatyaM ca satyaM ca paramArthata: ||
ityuktam | ata: kvasatyadvayAtiriktAni anyAni caturAryasatyAni santIti cet-
@020
AravyAyate-yadyapi evam, tathApi heyopAdeyayo: pRthakpRthakhetuphalabhAvadezanArthamatra
caturAryasatyAni uktAni | tatra heyapakSastu saMkleza: | tatphalaM ca du:khasatyam | hetuzca 
samudayasatyam | upAdeyapakSastu vyavadAnam, tasya phalaM nirodhasatyam |
tatprAptiheturmArgasatyam | tatra du:khasamudayamArgasatyAnAM saMvRtisatye’ntarbhAva: | nirodhasatyaM 
paramArthasatyasvarUpam | tathAparaM satyaM yatkiMcitsyAttasyApi yathAyogaM satyadvaye’ntarbhAva eva 
nizceya: | kiM catu:satyAtiriktamaparamapi satyamastIti cet ? AkhyAtam | yathA-
bodhisattvapaJcamabhUmau-“idaM du:khamAryasatyamiti yathAbhUtaM prajAnAti | ayaM du:khasamudaya
Aryasatyamiti yathAbhUtaM prajAnAti | ayaM du:khanirodha Aryasatyamiti yathAbhUta prajAnAti |
iyaM du:khanirodhagAminI pratipadAryasatyamiti yathAbhUtaM prajAnAti | sa saMvRtisatyakuzalazca
bhavati | paramArthasatyakuzalazca bhavati | lakSaNasatyakuzalazca bhavati | vibhAgasatyakuzalazca 
bhavati | nistIraNasatyakuzalazca bhavati | vastusatyakuzalazca bhavati | prabhavasatyakuzalazca 
bhavati | kSayAnutpAdasatyakuzalazca bhavati | mArgajJAnAvatArasatyakuzalazca bhavati |
sarvabodhisattvabhUmikramAnusaMdhiniSpAdanatayA yAvattathAgatajJAnasamudayasatyakuzalazca bhavati | sa 
parasattvAnAM yathAzayasaMtoSaNAtsaMvRtisatyaM prajAnAti | ekanayasamavasaraNAtparamArthasatyaM 
prajAnAti | svasAmAnyalakSaNAnubodhAllakSaNasatyaM prajAnAti |
dharmavibhAgavyavasthAnAnubodhAdvibhAgasatyaM prajAnAti |
skandhadhAtvAyatanavyavasthAnAnubodhAnnistIraNasatyaM 
prajAnAti | cittazarIraprapIDanopanipAtitatvAdvastusatyam, gatisaMdhisaMbandhanatvAtprabhavasatyam, 
sarvajvaraparidAhAtyantopazamAtkSayAnutpAdasatyam, [advayAnutpAdasatyam,]
advayAbhinirhArAnmArgajJAnAvatArasatyam, sarvAkArAbhisaMbodha: 
sarvabodhisattvabhUmikramAnusaMdhiniSpAdanatayAyAvattathAgatajJAnasamudayasatyaM prajAnAti |”
ityuktavat |
iti madhyamakAvatArabhASye sudurjayAkhya: paJcamazcittotpAda: |